Колледж жатақханасы туралы ақпарат

«Атбасар қаласы, аграрлық-индустриялық колледж»

мемлекеттік коммуналдық қазыналық кәсіпорынның

жатақханасы туралы 2024 жылғы ақпарат

Колледждің жатақханасы 240 орынға арналған. Бірінші қабатта балалар тамақты жылытуға, дайындауға мүмкіншілік беретін ас үй,  екі кір жуатын автомат-машиналары бар кір жуатын орын, 4 душ-кабиналар орналасқан. Әрбір қабатта дәретханалар бар. Балаларға үш мезгіл тамақ беріледі. Айта кетерлік маңызды мәселе – жатақханада тұру мен тамақтану тегін. Жатақхананың жағдайы санитарлық-гигиеналық нормаларға сәйкес келеді.

Балалар үшінші және төртінші қабаттарда орналасқан. Бойжеткендер үшінші қабатта, ал жігіттер төртінші қабатта орналасқан. Әрбір қабатта кең, жайлы демалыс бөлмелері бар, теннис және спорт залдары жұмыс істейді. Бірінші қабатта түрлі іс-шаралар, дискотекалар өткізіліп, кинофильдер көрсетілетін мәжіліс залы бар. Жатақхананың өзі қала шетінде орналасқандықтан, аумағында қылқан жапырақты ағаштар мен гүлдер отырғызылған.

         Оқу жылының басында студенттер жатақханаға орналастырылады. Тәрбиеші студенттерді жатақханада тұру ережелерімен, құқықтары және міндеттерімен, сонымен қатар жатақхананың жұмыс тәртібімен таныстырады. Ата-аналардың әрдайым балаларға келуге, жатақхана қызметкерлерімен, оқытушылармен әңгімелесуге мүмкіндіктері бар. Тәрбие жұмысы жүргізіледі. Оқу жылының басында ата-аналар чаты құрылып, кез келген ата-ананың өз балаларының өмірі туралы сұрауға мүмкіндігі бар

Жатақхана меңгерушісі Н.П.Рейн.