Қазақстан Республикасы сыбайлас жемқорлықпен күрес агенттігі төрағасының бірінші орынбасары Олжас Абайұлы Бектенов және оның жұмыс тобы мүшелерінің Ақмола облысына жұмыс сапары.

Қазақстан Республикасы сыбайлас жемқорлықпен күрес агенттігі төрағасының бірінші орынбасары Олжас Абайұлы Бектенов және оның жұмыс тобының мүшелері Ақмола облысы бойынша жұмыс сапары аясында «Атбасар ауданы, Атбасар қаласы, аграрлық-индустриялық колледж» МКҚК болып, оқу орнының студенттік қоғамдастығымен кездесу ұйымдастырды. Кездесу барысында студенттер «Sanaly urpaq» клубының жұмысы туралы, Студеттік өзін өзі басқару жұмысы туралы айтып, келесі жылға қойған мақсаттар мен міндеттерін жариялады. Олжас Абайұлы балаларға олардың жұмыстары үшін алғыс жариялап, сыбайлас жемқорлыққа қарсы қозғалыс қоғам өмірінің барлық салаларын қамтуы тиіс екенін атап өтті. Өйткені, жастар біздің Республикамыздың болашағын құрайды. Қазақстан Республикасы сыбайлас жемқорлыққа қарсы Агенттігі Ақмола облысы бойынша Департамент басшысы Тюлеубаев Мурат Ахтанович Көкшетау қаласының жоғары оқу орындарындағы сыбайлас жемқорлыққа қарсы квест түріндегі сыбайлас жемқорлыққа қарсы өткізілген акция туралы айтып берді. «Атбасар ауданы, Атбасар қаласы, аграрлық-индустриялық колледж» МКҚК студенттері аталған акцияны қолдайтындарын айтып, оның сәуір айының соңына жоспарланып отырғанын атап өтті. Кездесу соңында колледж студенттері алдында жазушылар одағы филиалының төрағасы Дәулеткерей Кәпұлы сөйлеп, балаларға олардың қызметтеріне табыс тіледі.