Экскурсия

​«Қамқор Локомотив» ЖШС «Атбасар электровоз жөндеу зауыты» филиалы Атбасар қаласының ірі қала құраушы кәсіпорны болып табылады, онда өндірістік жүйені құру, жөндеу технологиясы, үнемді өндіріс, еңбек қауіпсіздігі мен еңбекті қорғауды қамтамасыз ету мәселелерінде үздік әлемдік тәжірибелер енгізіледі.​

Өндірістік базаның, жоғары білікті персоналдың болуы және нәтижеге назар аудару компанияға темір жолдардың жылжымалы құрамына қызмет көрсететін кәсіпорындар арасында сенімді түрде көшбасшы болуға мүмкіндік береді.

​Көптеген жылдар бойы колледж осы кәсіпорынмен «Дәнекерлеу ісі», «Токарьлық іс», «Электр жабдықтары» мамандықтары бойынша оқытушылар мен білім алушылар үшін дуалды оқытуды, тағылымдамаларды ұйымдастыру мәселелері бойынша ынтымақтасады.

Кәсіптің құпияларымен танысу үшін және «Еңбегі адал  жас өрен» жобасы шеңберінде 1 және 2 курс (Т-26, Э-2 топтары) білім алушылары өндірістік оқыту шеберлері Э.А.Янковскийдің, С.К.Садвокасовтың басшылығымен тәлімгер кәсіпорынның өндірістік алаңдарына экскурсиялар өткізді.

Балалар кәсіпорын мұражайына барып, кәсіпорынның даму тарихымен, сондай-ақ өндірістік цехтардың жұмысымен және тепловоздарды, жүк және жолаушылар қозғалысына арналған электровоздарды жаңғырту, күрделі жөндеу, локомотивтер мен мамандандырылған жол машиналарына, электр машиналарына техникалық қызмет көрсету, ТПС доңғалақ жұптарын жөндеу және қалыптастыру технологиясымен танысты.

Аға шебер А.В.Гавриленко