«Синтетикалық есірткі» тақырыбында дәріс

​«Атбасар қаласы, аграрлық-индустриялық коллендж» МККҚ студенттерінің құқыққорғау органдарының, денсаулықсақтау және ҮЕҰ өкілдерімен кездесудің бекітілген жоспарына сәйкес 2 сәуір күні Атбасар ауданы прокуратурасының аға прокуроры Эльдар Маратұлы Жарылқасын 1-3 курс студенттері алдында «Синтетикалық есірткелер. Тарату үшін жауапкершілік» тақырыбындағы дәріспен сөз сөйледі.  Эльдар Маратұлы ҚР Қылмыстық кодексінің заңнамасындағы өзгерістер туралы айтып, есірткі құралдарын дайындау, өткізу және салу бойынша жазалар туралы айтылған 297-бабының 3-бөлімінің 3-5-тармақтарын түсіндірді. Студенттерге синтетикалық есірткі қоғамға қандай қауіп төндіретінін түсіндіріп, жыл басынан бері Қазақстанда Telegram мессенджерінде өлімге әкелетін ұнтақтар мен қоспалар сатылған 1,5 мыңға жуық сайт пен 430 чат анықталғанын нақтылады. Есірткіні контактісіз өткізгені үшін жаза – 7 жылға дейін бас бостандығынан айыру. Тіпті сайттардың мекен-жайы бар қабырғаларға граффити салғаны үшін бас бостандығынан айыруға жазаланады. Дәріс соңында Эльдар Маратұлы студенттерге оқуда табыс тілеп, әлеуметтік желілерде сөйлескен кезде қырағы және сақ болуға тілек білдірді.